Астана қаласының  «№2 көпбейінді қалалық аурухана»  генетик дәрігерлері Қостанай қаласында «Инвазивті пренаталдық диагностиканың ұйымдастырушылық аспектілері» тақырыбында практикалық мастер-класс өткізді. Бұл мастер-класс Қостанай облысы Денсаулық сақтау басқармасының ұйымдастыруымен «Инвазивті пренаталдық диагностика» әдісін енгізу мақсатында «Скринингті ұйымдастыру ережесі» ҚР ДСМ № 704 бұйрығын орындау мақсатында өткізілді.

Қостанай облысында алғаш рет біздің аурухананың генетик дәрігерлері  өздерінің тәжірибелері мен білімдерімен бөліскенінің арқасында әйелдер үшін осы диагностика жүргізілетін болады. Костанай қаласындадағы  алты жүкті әйел  көрсеткіштер бойынша  осы әдіс мүмкіндігін пайдалана отырып  зерттеуден өтті. Дәрігерлерге пациенттерге инвазивті пренаталдық диагностика жүргізу үлгісі көрсетілді.

Астана қаласы мамандарының тәжірибесі мен дәрігерлердің осы әдісті үйренуге ұмтылысының арқасында, құрсақтағы ұрықтан материал  алу сәтті өтті, барлық әйелдер риза болды, енді  зерттеу нәтижелерін күтуде.

ШЖҚ «№2 көпбейінді қалалық аурухана» МКК базасында мобильді скрининг орталығы ашылды, онда барлық нниеттенген адамдар жеке автокөлікте немесе жаяу келіп коронавирустық инфекцияға тестілеуден өте алады. Бұл скрининг-орталық Экспо аумағында, «Мега Silk way» СОО авто тұрағында (№2 КҚА ауруханасы мен «Мега Silk way» СОО арасында) орналасқан.

Прецедура ақылы, тест бағасы 10 000 теңге. Мобильді орталықтың жұмыс кезеңдері келесі кесте бойынша құрылған: кіру — тіркеу — зерттеп-тексеру — үлгі алу— шығу. Кіргеннен кейін тестіленушілер жеке ақпарат, эпидемиологиялық факторлар мен байланысты симптомдары бар сауалнаманы толтырады. Кабинада дене температурасы контактісіз термометр көмегімен өлшенеді. Нәтиже белгілі болған соң, науқас оны электрондық пошта немесе watsapp арқылы тәулік ішінде ала алады. COVID-19 вирусына күдікті болған жағдайда тестіленуші мамандандырылған ауруханаға ауыстырылады. Мобильді скрининг-орталық сағат 10.00-ден 16.00-ге дейін дүйсенбіден сенбі күні аралығында демалыссыз, індеттің соңына дейін жұмыс істейтін болады.

Астана қалалық әкімдігінің ШЖҚ «№2 көпбейінді қалалық аурухана» МКК-да  бүйректің аллотрансплантациясынан кейін босанған әйелдің сауығуы ерекше жағдайы болды. Дәрігерлер бала мен ананың өмірін құтқарды. Жүкті әйел № 9 қалалық емханада есепте тұрған және жүктілігінің ауыр ағымына байланысты «№2 көпбейінді қалалық ауруханаға» есепке алынды.

Бұл пациентке созылмалы бүйрек жеткіліксіздігі диагнозы болғандықтан 2014 жылы әкесінен бүйрегін алмастырып салған. Кейін 2017 жылы жүкті болған, бірақ өкінішке орай бала аман қалған жоқ. 2019 жылы пациент дәрігерлердің қарсы көрсетулері барына  қарамастан жүкті болған, 31-32 апта жүктілік мерзімінде ауыр халде «№2 көпбейінді қалалық ауруханаға» түсті. Бала шала туылды, оны жаңа туған нәрестелер реанимациясы бөлімшесіне ауыстырған. Пациент  қарқынды терапия және реанимация бөлімшесінде жатқан. Осыған қарамастан босанған әйелдің бүйрек жетіспеушілігі өсіп, трансплантатты алып тастау қаупі болды. Әйел жағдайының күрт нашарлауына байланысты Республикалық критикалық акушерлік орталығына ауыстырды, онда дәрігерлер кешенді бүйрек алмастырғыш, иммуносупрессивті терапияны, сулы-электролиттік бұзылулар мен гомеостазды түзетуді жүргізеді. Трансплантат функциясын сақтап қалады.  «2011 жылдан бастап Қазақстанда бүйрекке аллотрансплантация жүргізе бастады, осы уақыт ішінде бұл жүктілік бала туумен және сақтаумен аяқталған үшінші жағдай, - дейді РКАО басшысы, профессор  А. Ш. Жұмаділов. Қазір пациент сәбиімен үйіне шығуға дайындалып жатыр.

«№2 көпбейінді қалалық аурухана» базасында сыбайлас жемқорлыққа қарсы заңнама бойынша жиналыс өтті. Жиналыс барысында шақырылған спикерлер сөз сөйледі: Қазақстан Республикасы сыбайлас жемқорлыққа қарсы іс-қимыл жөніндегі Астана қаласы бойынша департаменті басшысының орынбасары Жылкышиева Жазира Жақсылыққызы; Садыбек Түгел жазушы, департамент жанындағы ақпараттық-ағарту штабының басшысы; Шакенов Жақсылық Малбактыұлы Астана қаласының "Nur Otan" партиясының Партиялық бақылау инспекторы.

Сыбайлас жемқорлық - әдетте лауазымды адамның өзінің билік өкілеттігін және оған сеніп тапсырылған құқықтарын, сондай-ақ осы ресми мәртебеге байланысты беделін, мүмкіндіктерін, жеке басының пайдасы мақсатында байланыстарын пайдалануын білдіретін, заңнамаға және моральдық ұстанымдарға қайшы келетін термин. Сыбайлас жемқорлық лауазымды тұлғаларды сатып алу, оларды сату, сатып алу деп те атайды.

№2 Көпбейінді қалалық аурухананың директоры Иван Ли Астана қаласының Қоғамдық Денсаулық сақтау басқарамасының жетекшісі, медицина ғылымдарының докторы, іскерлік әкімшілік магистрі Кисикова Сауле Дюсебековнаның алдында жылдық есебін берді.

Жиналыс басында Қоғамдық Денсаулық сақтау басқарамасының жетекшісі Кисикова Сауле Дюсебековна барлық аурухана қызметкерлерін жаңа жылдарымен құттықтап, жұмыстарына сәттілік тіледі. Сонымен қатар жаңа жылдың басты жаңалығы - елімізде 1-қаңтардан бастап МӘМС жүйесімен бүкіл медициналық ұйымдарының жұмыс істеп келе жатқанын еске сала кетті.

Осы жылдың қыркүйек айында «№2 көпбейінді қалалық аурухана» базасында «Республикалық қауіпті акушерлік орталығы» ашылды.

Республикалық қауіпті акушерлік орталығы Қазақстан Республикасы Денсаулық сақтау ұйымдарынан келген немесе жедел жәрдем көмегімен, санитариялық авиациямен жеткізілген пациенттердің денсаулығын тұрақтандыруға, босанғаннан кейінгі, аборттан соң әртүрлі ағзаның өмірлік маңызды қызметінің бұзылуын қалпына келтіру және қолдау бойынша ауқымды кешенді іс-шараларды уақытылы жасау мақсатында құрылған. 

13 желтоқсан 2019 ж «№2 көпбейінді қалалық ауруханада» Қазақстан Республикасының Тәуелсіздік Күніне арналған мерекелік концерті өтті.

Қазақстан Республикасының Тәуелсіздік Күні - жыл сайын Қазақстанда 16-17 желтоқсан күні атап өтілетін басты ұлттық мереке. Көптеген мемлекеттік мерекелер сияқты, ол республикада тұрып жатқан халықтар мен ұлттардың әртүрлі мәдени және этникалық салт дәстүріне қарамастан татулыққа шақыратын маңызды мереке. Бұл еркін және тәуелсіз бейбіт өмір сүріп жатқан республикада жеке ұлттар мен халықтардың ұлттық киімдерін, билерін, аспаздық дәстүрлерін және басқа да мәдени элементтерін көрсету мүмкіндігі.

Астана қаласы және Қазақстан Республикасының басқа өңірлерінің жүкті әйелдерінде «№ 2 көпбейінді қалалық аурухананың» цитогенетикалық зертханасында сәтті жұмыс істеп тұрған  «Fish-диагностик» бірегей диагностикалық кешенде жүктіліктерінің ерте мерзімінде іштегі ұрықтың хромосомдық ауруларын анықтауға қажетті медициналық-генетикалық зерттеп-қараудан өту мүмкіндігі пайда болды. Бұл тәсіл ДНК-зондтар (FISH тәсілі) амниотикалық сұйықтықтың белсенді емес жасушасын пайдалану арқылы молекулярлық-цитогенетикалық зерттеу асқыну қаупінсіз түтік ішінде зерттеу мүмкіндігін береді. Осы тәсіл басқа дамыған мемлекеттерде сәтті және кеңінен қолданылады, бірақ біздің елімізде ол ТМККК шеңберінде тегін жасалады.

Бүгін №2 көпбейінді қалалық ауруханада Дүниежүзілік жүрек күніне орай емделушілерге арналған шара өтті. Атаулы жиынның басты мақсаты - халықты жүрек дерті жайлы ақпараттандырып, алдын алу және емделу жолын түсіндіру.  

Жиын барысында дәрігерлер жүрекке жүк түсіріп, дертке шалдықтыратын негізгі себептермен таныстырды. Олардың қатарында жиі кездесетіндері қан қысымының жоғарылығы, холестериннің көп мөлшері, шылым шегу, жеміс-жидек пен көкөністі аз тұтыну, артық салмақ, алкоголь өнімдерін пайдалану және гиподинамия.

№2 көпбейінді қалалық ауруханаға Денсаулық сақтау министрі Елжан Біртанов арнайы келіп, мекеменің жұмыс барысымен танысты. Мемлекет басшысы Қасым-Жомарт Тоқаев өзінің Қазақстан халқына жолдауында медициналық қызмет көрсетудің сапасы мен қолжетімділігін қамтамасыз ету мәселесін көтерген болатын. Әсіресе, ана мен бала өлімінің деңгейін төмендету жайы басты проблема. Осы ретте ана мен бала денсаулығын сақтау - денсаулық сақтау жүйесі алдында тұрған маңызды міндеттердің бірі,- дейді министр.

Өкінішке орай, әлемде әйелдердің мерзімінен ерте босану көрсеткіштері төмендер емес. Көптеген адамдарда мерзімінен бұрын дүниеге келген балалардың ары қарайғы тағдыры мен мүгедектікке байланысты сұрақтар туындайды. Жөргекте жетілуге тиісті шақалақтың бабын табу оңай шаруа емес. Аса ұқыпты күтім, жоғары технологиялық құралдарды қолдана отырып сапалы емдеу қажет. Осы ретте Елжан Амантайұлы ауруханамыздағы катамнез және оңалту бөлімшесінің өте маңызды қызмет атқаратындығын атап өтті. Аталмыш бөлімшеде үш жасқа дейінгі балаларға тегін түрде көмек көрсетіледі.

Бүгін №2 көпбейінді қалалық ауруханаға Астана қаласының Қоғамдық денсаулық сақтау басқармасының басшысы Сәуле Қисықова арнайы келіп, жұмыс барысымен танысты. Кездесу кезінде денсаулық сақтау саласындағы өзекті әрі маңызды мәселелер талқыға түсті.

Мемлекет басшысы Қасым-Жомарт Тоқаев екінші қыркүйек күні Қазақстан халқына жасаған жолдауында ана мен бала өлімінің деңгейін төмендету жайын атап өткен болатын. Бүгін бұл мәселені басқарма басшысы да ерекше назарға алып, қоғамдағы өзекті проблеманы шешу жолдарын қарастырды. Сонымен қатар сәби өлімінің негізгі себептеріне талдау жасалды және оның алдын алу бағыттары да тілге тиек етілді. Осы ретте №2 көпбейінді қалалық ауруханада Республикалық аса маңызды акушерлік орталықтың ашылуы қуантарлық жайт дейді, Сәуле Қисықова. Бұл заманауи орталықта акушерлік бағыттағы мәселелердің барлығы терең қарастырылып, барша ел азаматтарына көмек көрсетіледі.

Кездесу соңында келесі жылдың бірінші қаңтарынан бастап Міндетті әлеуметтік медициналық сақтандыру жүйесін енгізуге дайындық барысы сараланды.

Бүгін №2 көпбейінді қалалық ауруханада мекеме қызметкерлерінің жалпы отырысы өтті. Бас дәрігер Иван Ли бастаған жиналыс 2019 жылдың бірінші жартыжылдығында атқарылған жұмысты қорытындылауға арналған. Бас дәрігердің орынбасарлары азаматтарға көрсетілген медициналық қызмет, хирургиялық көмек, амбулаторлық бағыт, әйелдерді босандыру және нәрестелерге күтім жүргізу тұрғысында есеп беріп, статистикалық деректермен бөлісті.

Естеріңізге сала кетейік, 2018 жылдың тамыз айында №1 перинаталды орталық пен №2 қалалық аурухана біріктірілген болатын. Мамандардың айтуынша, бұл өзгерістер өзінің оң нәтижесін көрсетіп отыр. №2 көпбейінді қалалық аурухана қабырғасында өте ауыр халдегі әйелдердің өмірін сақтап қалу деректерінің болуы осыған айғақ. Себебі, кез-келген сәтте әйелдер салалық дәрігерлердің көмегіне жүгініп, ем қабылдай алады. Осылайша, уақыт үнемделіп, барынша нәтижелі медициналық көмек көрсетіледі.