Хирургиялық инфекция және колопроктология бөлімшесі

Хирургиялық инфекция және колопроктология бөлімшесі 21 төсек-орынды, ақылы палаталы 1 төсек-орын, күндізгі стационарда 2 төсек-орын есептелген. Заманауи диагностикалық және операциялық жабдықтармен жабдықталған.

Бөлімше төменгі тізімдегі аурулары бар пациенттерге мамандандырылған көмек көрсетеді:


  • Іш қуысының, іш қуысы мен көкірек қуысының жіті  іріңді хирургиялық аурулары (әр түрлі этиологиядағы шектеулі және кең таралған перитонит, ішек өтімсіздігі, іш қуысы операциясынан кейінгі іріңді асқынулар, соның ішінде ішек жыланкөздері, медиастинит, іш қуысы флегмоны).
  • Жіті жергілікті хирургиялық инфекция (мастит, фурункул, карбункул, абсцесс, панариций, әртүрлі локализациядағы флегмондар, жіті парапроктит).
  • Қант диабетіндегі іріңді-қабыну аурулары (диабеттік табан синдромы).
  • Артериялық және тамыр жеткіліксіздігі аясында трофикалық бұзылулар.
  • паразиттік аурулар (бауыр мен іш қуысының эхинококкозы).
  • колопроктологиялық аурулар (геморрой, анустың жарықтары, күрделілігі әртүрлі деңгейдегі аноректальды жыланкөздер, тік ішектің пролапсы, эпителий-коксикальды киста, тоқ ішектің дивертикулезі, мегаколон, кокцегодения, реконструктивті).
  • үсіну

Бөлімшеде әртүрлі заманауи миниинвазивті технологиялар және жоғарыда көрсетілген патологияны кешенді емдеудің жаңа тәсілдері енгізіліп, белсенді қолданылады:

  • эхинококкоз кезінде қалдық қуыстарды өңдеу үшін аргон-плазмалық коагуляцияны қолдану
  • «Sonaca» аппараты арқылы іріңді-некротикалық жараларды ультрадыбыстық кавитация""

Ультрадыбыстық кавитация әдісін қолдану іріңді-некротикалық аурулары бар науқастарды емдеу нәтижелерін айтарлықтай жақсартады және науқастың ауруханада болу мерзімін қысқартады.

  • озон терапиясы
  • ультракүлгін сәулелендіру (УФО)
  • Гипербариялық оксигенация (ГБО)

Проктология:

  • ішкі геморроидальды түйіндерді латекс сақиналарымен байлау.
  • ультрадыбыстық қайшыларды қолдану арқылы геморроидэктомия.

Ультрадыбыстық қайшыларды қолдана отырып, Геморроидэктомия операцияны қансыз орындауға және геморройдың кеш сатылары бар науқастарда да операция ұзақтығын азайтуға мүмкіндік береді.

«АМУ» АҚ клиника базасында  №1 хирургиялық аурулар кафедрасы жұмыс істейді, оның қызметкерлері хирургиялық инфекциялардың әртүрлі түрлері бар пациенттерді емдеуде консультациялық көмек көрсетеді.

Бөлімшеге түскен кезде барлық науқастар диагностиканың заманауи әдістерін қолдана отырып, диагностикалық іс-шаралардың толық көлемін жүзеге асырады. Қажет болған жағдайда пациентке түрлі бейіндегі мамандардың жеке консультациялары жүргізіледі. Әрбір пациентке тиімділігі жоғары ем тағайындаумен жеке тәсіл ұйымдастырылған.

Бөлімшеге түскен кезде пациенттерді санитариялық торабы бар жайлы 1-2 орынды  палаталарға орналастырады.

Емдеу кезінде сізге жоғары білікті, мұқият және қамқор қарайтын медициналық қызметкерлер қарауға алады.

 

Бөлімше меңгерушісі

Айтмолдин Батыр Айтмолдинұлы

Жоғары санатты хирург, жоғары санатты колопроктолог дәрігер. Бірінші санатты денсаулық сақтауды ұйымдастырушы дәрігер. Іскерлік әкімшілендіру магистрі, жоғары заң білімі бар. Қазақстан мен Ресей хирургтары мен колопроктологтары қауымдастығының мүшесі. "Медицинаның дамуына қосқан үлесі үшін" төсбелгісімен марапатталған. Семей мемлекеттік медицина академиясының түлегі. Қазақстан, Ресей және Оңтүстік Кореяның жетекші клиникаларында эндоскопиялық және лапароскопиялық хирургия бойынша тағылымдамадан өтті.

Жұмыс өтілі: 20 жыл

Байланыс телефоны: 8 (7172) 43-26-62

 

 

БӨЛІМШЕ ДӘРІГЕРЛЕРІ

  • Жалғасбаев Жомарт Галымович –  бөлімшенің аға ординаторы, жоғары санатты хирург дәрігер, колопроктолог дәрігер, онколог. Денсаулық сақтау ұйымдастырушы дәрігер. Денсаулық сақтау үздігі. Іскерлік басқару магистрі. Қазақстан, Түркия, Ресей клиникаларында біліктілігін арттырды. Ресей колопроктологтар қауымдастығының мүшесі, Қазақстан хирургтар қоғамының мүшесі.
    Жұмыс өтілі: 15 жыл
  • Сапкин Зейнұр Серікболұлы –  бірінші санатты хирург дәрігер. Колопроктолог дәрігер. Маммолог хирург дәрігер. Қазақстан хирургтар қоғамының мүшесі. Қоғамдық денсаулық сақтау менеджері.  Семей мемлекеттік медицина университетінің түлегі. Қазақстан мен Ресей клиникаларында біліктілігін арттырудан өтті.
    Жұмыс өтілі: 9 жыл
  • Сүлейменов Ернар Нұрланұлы –  бірінші санатты хирург дәрігер. Проктолог дәрігер. Семей мемлекеттік медицина университетінің түлегі.
    Жұмыс өтілі: 9 жыл

 

Біздің мекенжайымыз: Астана қаласы, Есіл ауданы, Тұрар Рысқұлов көшесі, 6-үй 

Хирургиялық инфекция және Колопроктология бөлімшесі, 2 қабат.

Байланыс телефоны: 8 (7172) 43 26 16, 43 26 62.