Халықаралық ынтымақтастық – тәжірибе алмасудың жаңа мүмкіндігі



Бүгін №2 Көпбейінді қалалық ауруханаға Корея Республикасынан Католиктік Квандон университеті жанындағы Халықаралық Әулие Мария ауруханасының делегациясы арнайы келді.

Кездесу барысында шетелдік әріптестер ауруханамыздың жұмысымен танысып, медициналық қызмет көрсету бағыттары, заманауи технологиялар мен мамандардың тәжірибесіне қызығушылық танытты. Тараптар денсаулық сақтау саласындағы тәжірибе алмасу және алдағы ынтымақтастықтың мүмкіндіктерін талқылады.

Кездесу соңында кореялық әріптестер аурухана ұжымын Сеулге жауап сапармен келуге шақырып, кәсіби байланысты одан әрі дамытуға ниетті екендерін білдірді.

Мұндай кездесулер халықаралық тәжірибе алмасуға, жаңа кәсіби байланыстар орнатуға және медициналық көмектің сапасын одан әрі жетілдіруге мүмкіндік береді.

№2 Көпбейінді қалалық аурухана халықаралық ынтымақтастықты дамытуға және озық тәжірибелермен алмасуға әрдайым ашық.