5 шілде – Ұлттық Домбыра күні құтты болсын!



5 шілде – Ұлттық Домбыра күні құтты болсын!

Бүгін, Ұлттық Домбыра күні дүниеге келген сәбилер мен олардың аяулы аналарына ерекше мерекелік қуаныш сыйланды.

ҚР Президенті жанындағы Әйелдер істері және отбасылық-демографиялық саясат жөніндегі Ұлттық комиссия мүшесі, ҚХА Аналар кеңесінің төрағасы Назипа Ыдырысқызы және Достық үйінің делегациясы перзентханаға арнайы келіп, дәл осы мерекелі күні өмір есігін ашқан сәбилерге қасиетті қазақтың қара домбырасын, гүл шоқтарын тарту етіп, аналарды шын жүректен құттықтады. Сонымен қатар естелік сый-сияпаттарын табыстап, ақжарма тілектерін жеткізді.

Домбыра күні дүниеге келген әрбір сәби елдің мерейін өсірер, ұлттық рухы биік, өнегелі азамат болып ержетсін!

Ұлттық Домбыра күні құтты болсын!