Өмір сыйлаған соңғы дем



Өмір сыйлаған соңғы дем

Бұл оқиға өкініш пен үміттің тоғысқан сәті. 1981 жылы дүниеге келген М. есімді пациент ауыр жағдайда ауруханаға түсіп, өкінішке орай, дәрігерлер «ми өлімі» диагнозын қойды. Бұл қайтарылмас үдеріс еді...

Алайда, оның жақындары ең қиын сәтте ең игі шешім қабылдады. Олар М.-ның соңғы демі басқа жандарға өмір сыйлауын қалады.

Донорлық көмек арқылы:

  • Жүрек — қайта соға бастады;
  • Өкпе — біреуге еркін тыныс берді;
  • Бауыр — үміті үзілген жанды құтқарды;
  • Бүйректер — екі адамның өмірін өзгертті.

Бір адамның кетуі бес бірдей жанның жаңа өміріне жол ашты. Бұл — нағыз ерлік пен шексіз мейірімнің көрінісі. Бақилық болған жанның жатқан жері жайлы болсын. Оның жүрегі енді басқа кеудеде соғып тұр...