Аритмолог мамандарға арналған мастер-класс өтті

Шеберлік сыныбына А.Н.Сызғанов атындағы Ұлттық хирургия ғылыми орталығының интервенциялық аритмолог дәрігері, рентген хирург Бигельдиев Нұрболат Жумаевич шақырылды. Мастер-класс аясында № 2 қалалық көпбейінді ауруханада алғаш рет тері астындағы кардиовертер-дефибриллятор (S-ICD) сәтті орнатылды, бұл - жүрек ырғағының қауіпті бұзылыстары кезінде өмірді аман сақтап қалатын заманауи құрылғы.

 

Аталмыш құрылғының кәдімгі дефибрилляторлардан айырмашылығы, s-Icd электроды жүрекке тікелей енгізілмейді, оны терінің астына енгізу аурудың өршуін және ота барысында жарақаттану деңгейін айтарлықтай азайтады.

 

Мұндай қадам - біздің аритмологтар командасының маңызды жетістігі және Қазақстанда жоғары технологиялық медицинаны енгізудегі тағы бір жоғары қадам болды.