Сәулелі және функционалдық диагностика бөлімшесі

 

 

 

Бөлімше меңгерушісі

Тлеубергенова Жанар Әбілқайырқызы

жоғары санатты дәрігер, Семей медицина академиясының түлегі. Ақмола облыстық клиникалық ауруханасында "Рентгенология" мамандығы бойынша интернатурадан өткен.
14 мақаласы жарияланған.

Еңбек өтілі: 22 жыл

Эл. мекенжайы: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

Байланыс телефоны: 8 (7172) 43 26 95, 43 26 99

 

 

ЖЕТЕКШІ МАМАНДАР

  • Сакипов Марат Қанапияұлы  –  жоғары санатты рентгенолог дәрігер,  Ақмола мемлекеттік медицина институтының түлегі.
    Еңбек өтілі: 25 жыл
  • Ли Виталий Николаевич  –  бірінші санатты рентгенолог дәрігер, Нұр-Сұлтан медициналық университетінің түлегі.
    Еңбек өтілі: 9 жыл
  • Алимов Ұлықбек Равшанұлы  –  бірінші санатты рентгенолог дәрігер, Томск мемлекеттік медицина университетінің түлегі.
    Еңбек өтілі: 9 жыл
  • Юдаков Артем Владимирович   –  екінші санатты рентгенолог дәрігер, Нұр-Сұлтан медициналық университетінің түлегі.
    Еңбек өтілі: 3 жыл
  • Танирханова Эльвира Жетыбайқызы –  екінші санатты рентгенолог дәрігер, Нұр-Сұлтан медициналық университетінің түлегі.
    Еңбек өтілі: 3 жыл

Сәулелі диагностика бөлімшесі 64 кесінді мультиспиральды компьютерлік томографпен, магнитті-резонансты томографпен, қуаты 1,5 Т, маммографпен, сандық рентгендиагностикалық жабдықтармен жабдықталған. Барлық жабдықтар General  Electric Германия фирмасынікі.

Магнитті-резонанстық томография орталық жүйке жүйесінің, омыртқаның, бұлшық ет – буын жүйесінің және бірқатар ішкі ағзалардың ауруларын диагностикалау үшін бірегей және аналогтары жоқ зерттеу болып табылады. Зерттеу адам ағзасындағы сутегі протондарының магнит өрісіне орналастырылған резонанстарына негізделген. Сәулелік жүктеменің болмауы магнитті-резонанстық томографияны пациент үшін қауіпсіз етеді және бірнеше зерттеу жүргізуге мүмкіндік береді. Мүмкін болса, барлық зергерлік бұйымдарды алып тастау керек. Сонымен қатар, зерттелетін аймақтағы киімнің бір бөлігін шешу қажет болады. Қажет болған жағдайда Сізге арнайы киім жиынтығы беріледі. Зерттеу кезінде сізді зерттеу түріне байланысты 15-20 минутқа жуық күшті магниттік өрісі бар тар тоннельге (құбырға) көлденең жағдайда орналастырады. Сіз зерттелетін анатомиялық аймақтың толық қозғалмауын сақтауыңыз керек.

Процедура ауыртпалықсыз, бірақ қатар шумен жүреді.  Сондай-ақ, тұйық кеңістікте болғандықтан психологиялық ыңғайсыздық болуы мүмкін. Еріп жүретін тұлғалар МРТ (магнитті-резонанстық томография) үй-жайында оларда магниттік өрісте болуына қарсы көрсетілімдер болмаған жағдайда Сізбен бірге болуы мүмкін. Бірқатар жағдайларда көктамырішілік контрасты күшейтумен МРТ зерттеу жүргізудің диагностикалық қажеттілігі туындайды. Бұл зерттеулер емдеуші дәрігердің немесе МРТ дәрігерінің жолдамасы бойынша ғана жүргізіледі. Контрасты препаратты енгізу жағымсыз реакциялардың ең аз тәуекелін қамтиды. Контрасты затты енгізген жағдайда Сізге контрасты препаратты көктамыр ішіне енгізуге ақпараттық келісім сауалнама – парағын толтыру ұсынылады. Ішкі контрасты күшейтуді жүргізуге қарсы көрсетілімдер: жүктілік, емшекпен емізу, осы топтағы препараттарға бұрын анықталған жоғары сезімталдық, сондай-ақ бүйрек жеткіліксіздігі болып табылады. Қуық толтырылған кезде кіші жамбас мүшелерін тексеруді қоспағанда, зерттеуге арнайы дайындық талап етілмейді. МРТ зерттеулерінің  диагностикалық тиімділігін арттыру үшін пациентерге өзімен бірге алдыңғы МРТ зерттеулердің деректерін,  басқа әдістермен сәулелік, зертханалық немесе функционалдық диагностикалар нәтижелерін, сондай-ақ амбулаторлық карталарын немесе зерттеу мақсаттары  және зерттелетін жері көрсетілген емдеуші дәрігердің  жолдамасын көрсету  ұсынылады.

НАЗАР АУДАРЫҢЫЗ!

Зерттеуге абсолютті қарсы көрсеткіштер: кардиостимулятордың , ферромагниттік импланттардың, ми тамырларындағы клипстің болуы. Бұл жағдайларда зерттеуге  қатаң тиым салынады. Салыстырмалы (жіті қажеттілік кезінде зерттеу жүргізілуі мүмкін) қарсы көрсетілімдерге жүктіліктің бірінші триместрі, жүректің жасанды клапандары, декомпенсирленген жүрек жеткіліксіздігі, инсулинді сорғылар, құрамында металл бар импланттар, металл брекеттер жатады. Құрамында темірі бар бояғыштарды қолдану арқылы жасалған татуировка да салыстырмалы қарсы көрсеткіштер ретінде қарастырылуы керек.

Компьютерлік томография тіндердің құрылымын егжей-тегжейлі визуализациялау үшін рентген сәулелерін пайдаланады.  Зерттеу кезінде науқас томографтың арнайы моторизацияланған үстелінде жатады. Зерттеу басталғанда, сканердің шуын немесе нұқуын естисіз. Өте маңызды жағдай - содан кейін қозғалуға болмайды. Зерттеу кезінде сіз сканер орналасқан бөлмеде, бірақ лаборанттың көзбен шолып бақылауымен және аудиоконтакты бар бөлмеде жалғыз боласыз. Сәуле түтігі шеңбер бойынша қозғалады, көптеген суреттер жасайды (тіндерді қабаттап сканерлеу жүргізіледі). Барлық суреттер компьютерге түседі және қажет болған жағдайда рентген пленкасына басылып шығарылады немесе дискіге жазылуы мүмкін.  Жиі, мүдделі органның нақты бейнесін алу үшін контрасты зат (құрамында йод бар препараттар) қолданылады.   Контраст ісіктерді немесе тамырлардың жағдайын диагностикалау үшін пайдаланылуы мүмкін. Контраст көктамыр ішіне немесе кейде ауызға енгізіледі. Томография контрастты енгізгенге дейін және кейін жасалады.

КТ әдетте 15-тен 30 минутқа дейін аралықта жасалады. Контраст денеден тез шығу үшін, зерттеуден кейін тәулік бойы көп сұйықтықты ішу ұсынылады.  КT кеуде, іш, жамбас, аяқ сияқты дененің түрлі бөліктерін зерттеу үшін пайдаланылуы мүмкін. Томография бауыр, ұйқы безі, ішек, бүйрек, қуық, бүйрек үсті, өкпе және жүрек сияқты ішкі мүшелерді визуализациялауға мүмкіндік береді. Сондай-ақ КТ қан тамырларын, сүйектерді, бас және жұлын миын, омыртқаны зерттеуге мүмкіндік береді. Медициналық қызметтің түрлі салалары мен салаларындағы мамандар компьютерлік және магниттік-резонанстық томографияның нәтижелеріне, тексерулердің неғұрлым ақпараттық және толық нұсқаларына бағдарланады.

 

Біздің мекенжайымыз: Нұр-сұлтан қаласы, Есіл ауданы, Тұрар Рысқұлов көшесі, 6-үй

Сәулелік диагностика бөлімшесі, 1-қабат, Г блогы.

Байланыс телефоны: 8 (7172) 43 26 95, 43 26 99, 43 26 14

Пайдалы сілтемелер


01.png02.png03.png04.png05.gif06.png
01.png011.png02.png03.png04.png05.png

Copyright © 2017 - №2 Көпбейінді қалалық аурухана, Нұр-Сұлтан қ.
барлық құқықтар қорғалған

Development and maintenance of this site - web studio "Siteland"